![Elkarretaratzea egin dute Gasteizen.](/media/asset_publics/resources/001/039/708/article_main_landscape/gasteiz.jpg)
LAB, ESK, Steilas, EHNE eta Hiru sindikatuetako ordezkariek elkarretaratzea egin dute asteazken honetan Gasteizen, ‘Errioxa eredua’ Jatorrizko Deitura Kontrolatuak Arabako Errioxako upategi txiki eta ertainak «itotzen» dituela salatzeko, batez ere mahats-bilketaren garaian, eta joan den igandean Lantziegon bi pertsona hil ziren moduko istripuen atzean dagoela.
Arabako Foru Aldundiaren aurrean egin dute elkarretaratzea, ‘Upategietan ere lan istripurik ez Segurtasun protokoloa orain! Lelopean. Ibai Intxaurrondo LABeko ordezkariak salatu duenez, mahats-bilketan Arabako Errioxako upategi txiki eta ertainetako langile eta arduradunei «lan eta neke handia» pilatzen zaie, ‘Errioxa eredua’ JDK-k dakartzan eskakizunek bultzatuta, «Arabako Errioxako ereduarekin aurrez aurre talka egiten baitu».
Bere ustez, egoera horrek istripuak areagotzea eragin du, joan den igandean Lantziegon gertatu zen bezala; izan ere, bi pertsona hil ziren Crespo Zabala familiaren upategian, hartziduran askatzen den «ardoaren tufoa» izenez ezagutzen den gas toxikoa arnasteagatik.
Gogorarazi du antzeko zerbait gertatu zela 2020an zonalde berean, emaitza berarekin: Bi hildako. Lanpostu bakoitzeko upeltegiek egiten dituzten arrisku-ebaluazioak ere aipatu ditu, prebentzio-zerbitzuei eskatzeko prebentzio-neurriak «balia ditzatela».
Gainera, Foru Aldundiari eta erakundeei eskatu die «behingoz inplika daitezela Arabako Errioxako eredu jasangarri baten alde», eskualdeko eskaerei eta beharrei erantzuteko.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Keyframemugu](/media/asset_publics/resources/001/138/892/article_thumb_horizontal/keyframemugu.jpg)
Primer concierto de Kortatu: unos «marcianos» que tocaron improvisadamente en Errenteria
![Afp](/media/asset_publics/resources/001/139/271/article_thumb_horizontal/afp.jpg)
Adidas retira a la modelo Bella Hadid de una campaña por su apoyo a Palestina
![0721_kul_glitterfox2](/media/asset_publics/resources/001/139/283/article_thumb_horizontal/0721_kul_glitterfox2.jpg)