Jean-Noel Etxeberri ‘Txetx’ eta Beatrice Molle bakegileen aurkako auzia heldu den urteko apirilaren 2 eta 3an iraganen dan Parisko Auzitegi Korrekzionalean, ostegun honetan Bake Bidea elkarteak baieztatu duenez.
Terrorismoaren Aurkako Fiskaltzak auzia joan zen azaroaren 14an eta 15ean egitea proposatu bazuen ere, finean epaile instruktoreak heldu de udaberrian finkatu du auzia.
Jean-Noel Etxeberri ‘Txetx’ eta Beatrice Molle-Haran Pariseko Auzitegi Korrekzionalean epaitzeko eskatu zuen fiskalak.
Aldiz, afera horretan ordura arte hirugarren auzipetua zena, Stephane Etxegarai ‘Etxe’, errugabetzeko galdegin zuen Fiskaltzak. Finean, auzitik kanpo geratuko da, beraz, armak deusestatzeko ekimena kameraz grabatu duen herritarra.
Bakearen aldeko eragileen salaketa
‘Txetx’ Etxeberri eta Beatrice Molle-Haranen aurka egindako eskaerak «onartezinak» zirela salatu zuten Bake Bideak eta Bakegileek Fiskaltzaren erabakiari buruz plazaratu zuten oharrean.
2016ko abenduaren 16an ETAren armagabetzea laguntzeko eginiko ekimenaren karietara auzibidean diren pertsona guztiak errugabe jotzeko eskatu zuten aipaturiko eragileek.
Gaur, auziaren datak ezagutzera eman ostean, prozedura hori salatu eta ondoko astetan auziari begira garatuko duten salaketa kanpainaren berri emanen dutela gaineratu dute.
2022ko azaro eta abendu artean amaitutzat eman zuen epaileak auziaren instrukzioa.
Prokuradoreak errekisizioak aurkezteko epea agortu gabe, bere eskaera bideratu zuen.
Hiru aukera zituen. Batetik, Luhuson jardun zuten bost herritarrak atentatu bat prestatzen ari zirelako akusaziopean, bizirik diren hiru ekintzaileak –Mixel Bergouignan eta Mixel Berhokoirigoin zendu ziren– Pariseko auzitegi berezian epaitu ditzatela galdegitea.
Bigarren aukera Auzitegi Korrekzionalean epaitzea eskatzea zen.
Azkenik, auzia artxibatzea galdegitea posible zuen fiskalak.
Finean, bigarren aukera bere egin zituen, bi auziperaturen aurkako akusazioa mantendu eta auzia epaitegi berezian egiteko hautua baztertu zuelako.
La fiesta en Lizarra arranca con represión a un cantante, cohete dividido y Bajadica suspendida
El estreno de Iñaki Kerejazu como Celedón desborda Gasteiz con recuerdo a los ausentes
El polémico Memorial recoge la Medalla de Oro de Gasteiz recordando solo a víctimas de ETA
Dos getxoztarras, madre e hija, fallecen en un accidente en Tanzania
