![Gazteek gutunak idatzi dizkiete, eskuz, egoitzetan bizi diren adinekoei.](/media/asset_publics/resources/001/063/279/article_main_vertical/Egurtzegi.jpg)
Lehen Hezkuntzako bosgarren mailatik Bigarren Hezkuntzako bigarren mailara arteko ikasleek hartu dute parte Hirugazteren ‘Eskutitz bat zuretzat’ proiektuan. Bertan, gutun pertsonalizatu bana idatzi diote gaztetxoek egoitzetan bizi diren adineko pertsona bakoitzari. Orotara, mila eskutitz banatu dituzte.
Hirukide familia ugarien elkarteko arlo bat da Hirugazte. Bertan sortu zen ideia. Araba, Bizkai eta Gipuzkoako ikastetxe publiko eta kontzertatu guztiei idatzi zieten ikasleak parte hartzera gonbidatuz. Horietatik hamabostek eman zuten baiezkoa eta, horiez gain, beste askok beren kasa hartu dute parte ekimenean.
Era berean, Hirugazte adinekoen egoitza ugarirekin jarri zen harremanetan eta horietatik 18ek egin zuten bat proiektuarekin. Gutunak jasoko zituzten pertsonen izenak eman zizkieten, eta beren bizitzako daturen bat ere bai, idatziak pertsonalizatu ahal izateko. Ondotik, entrega egunak finkatu zituzten eta eskura eman zizkieten eskutitzak, baita kasu batzuetan irakurri ere.
1.081 ikaslek idatzi dizkiete gutunak 528 adinekori.
Balantze oso baikorra
Hirukidek eta Hirugazte balantze oso positiboa egin dute. Ikastetxeek eta egoitzek ere bai. Ez zuten inondik ere halako partaidetza handirik espero, ez gazteen aldetik eta ez adineko pertsonen aldetik.
«Gaztetxo askorentzat lehenbiziko aldia zen gutun bat eskuz idazten zutena eta batzuentzat aurreneko aldia zen egoitza bat bisitatzen zutena. Era berean, zenbait adinekorentzat urtetan jasotako lehen eskutitza zen. Hortaz, esperientzia zoragarria izan da zentzu guztietan», nabarmendu du Monica Garcia Hirugazteko koordinatzaileak.
Arrakasta ikusita, ikastetxe ugarik erabaki dute ekimena Eguberri guztietan errepikatzea; batzuek Hirugazterekin batera egingo dute eta besteek beren kabuz.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Somport](/media/asset_publics/resources/001/154/240/article_thumb_horizontal/somport.jpeg)
El cierre de los pasos de Somport y Bielsa desvía el tráfico de camiones a Irun
![Vinicio](/media/asset_publics/resources/001/154/378/article_thumb_horizontal/vinicio.jpg)