![Soldadu israeldarrak, Gazako suntsiketaren erdian.](/media/asset_publics/resources/001/068/375/article_main_landscape/Gaza.jpg)
Asteazken honetan Gazako Zerrendako agintariek emandako datuen arabera, gutxienez 23.200 palestinar hil dituzte israeldarrek joan den urriaren 7tik. Horiei Zisjordanian eta Jerusalen Ekialdean hil dituzten 325 pertsonak gehitu behar zaizkie. Zurituak, berriz, 59.410 dira, Osasun arloko bozeramaileak zehaztu duenez.
150 palestinarrei ostu diete bizia azken orduetan. Horien artean daude anbulantzia bateko lau langile eta kazetari bat.
Ilargi Gorri Erdia Gazako mediku antolakundeak asteazken honetan jakinarazi duenez, bertako lau langile hil dituzte israeldarrek Gazako Zerrendako iparraldeko eraso batean. Elkartearen anbulantzia baten aurka jo dute, ibilgailua Deir al Balá hirira sartzen ari zelarik.
Israeldarrek bonbapean akabatu dituzte kazetari bat eta haren alaba, Gazako Zerrendaren erdialdean eta hegoaldean egindako lurrez zein airez egindako erasoetan.
Israelgo hegazkinek Heba al Abadla kazetariaren eta haren alabaren etxea eraso dute, Jan Yunis hirian, ‘Filastín’ hedabide palestinarrak Telegrameko bere katean kontatu duenez.
Errefuxiatuen kanpamenduan eta egoitza batean
Al Maghaziko errefuxiatuen kanpamenduko lau pertsona ere hil dituzte bonbardaketetan, Gazako Zerrendaren erdialdean, iturri berek baieztatu dutenez.
WAFA albiste agentzia palestinarrak, osasun iturriak aipatuz, 15 palestinarren heriotza konfirmatu du, israeldarrek Rafá hiriaren mendebaldean dagoen egoitza bat eraso ondotik, Zerrendaren hegoaldean.
79 kazetari hil dituzte
Bestalde, Mugarik Gabeko Kazetariek jakinarazi dutenez, Nazioarteko Auzitegi Penalak erreportarien heriotzak ere sartu ditu Gazako Zerrendan egon litezkeen gerra krimenen ikerketan.
Hala ziurtatu du TPIko fiskal orokorraren bulegoak Mugarik Gabeko Kazetariei igorritako agiri batean. Bertan azaltzen du Fiskaltza kazetarien kontrako krimenak aztertzen ari dela, beste balizko krimen batzuen artean, Palestinako egoerari buruz martxan duten ikerketaren barnean».
Fiskal orokorraren bulegoak gobernuz kanpoko erakunde hau babestu du «bere helburu eta ekintzetan», Gazan bezala munduko beste lekuetan, eta oroitu du Nazioarteko Giza Eskubideek eta Erromako Estatutuak babesten dutela kazetarien lana. Hortaz, «ezin dute erasotuak izan egoera bakar batean ere».
Mugarik Gabeko Kazetarien arabera, gutxienez 79 kazetari hil dituzte Gazako Zerrendan iragan urriaren 7tik.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)