Motor gidari bat hil da ostiral honetan Errenterian furgoneta baten kontra talka egin ondoren. Istripua gertatu den GI-636 errepidea moztuta dago larrialdi zerbitzuen lana eta ibilgailuak errepidetik kentzea errazteko, Lakuako Segurtasun Sailak jakinarazi duenez.
Ezbeharra 13:45ean gertatu da, GI-636 errepidean, Errenteriatik igarotzean, eta haren berri izan bezain laster, osasun langileak, suhiltzaileak eta Ertzaintza bertaratu dira, baina, biktima suspertzen saiatu diren arren, ezin izan dute ezer egin salbatzeko.
🚨🚗🏍️ Kotxe eta motor baten arteko #Istripularria #Gi636 Km 2 #Errenteria-n Irungo norantzan.
— Trafiko (@trafikoaEJGV) May 17, 2024
🚨🚗🏍️Accidente grave entre coche y moto en #Gi636 Pk 2 #Errenteria sentido Irun.
☎️011#Trafikoa pic.twitter.com/4zM6Wcx6aH
Istripuaren ondorioz erabat moztu dute errepidea Irunerako noranzkoan eta inguruan auto pilaketak sortu dira. Hori dela eta, zirkulazioa desbideratzen ari dira Errenteriako herrigunetik.
Bigarren motorzalea da aste honetan Euskal Herria istripuz hiltzen dena. Igandean beste batek ere bizia galdu zuen Zaldibarren, industrialde batean. Berarekin talka egin zuen autoaren gidaria espetxeratu egin dute.
Gipuzkoan bereziki larria da istripuetan motorzale hildakoen kopurua. Iaz datu hori nabarmendu zen urte bukaerako balantzeetan eta aurtengoan jada bost lagun hil dira era honetan.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
Música bajo la dictadura del algoritmo
Primer concierto de Kortatu: unos «marcianos» que tocaron improvisadamente en Errenteria
