«Motozerraren nazioarteko koalizioa», ultraeskuin europarrak osatzen duena, giza eskubideen alde egingo duen «Europa solidario, feminista eta berde» bat erdiesteko apustuarekin borrokatuko du PSEk Estrasburgoko Legebiltzarrean, Idoia Mendia hautagiak Gasteizen egin duen kanpainako ekitaldian ziurtatu duenez.

Mendiak defendatu du datorren legegintzaldi europarrean langileen baldintzak hobetzeko lanean jarraitu behar duela Parlamentuak. «Jokoan dago atzera egin edo aurrera egiten jarraitzea», ohartarazi du PSEren hautagaiak. Ildo horretan, adierazi du ultraeskuinaren garaipenak «abandonatuta» utziko lituzkeela Europako herritarrak.

Koalizio ultra horren aurrean, bere alderdiak lan egingo du Europa «solidarioa, feminista, eta berde» bat erdiesteko, giza eskubideen eta bakearen alde egingo duena, ziurtatu duenez.

Gogora ekarri du PPren buru espainiarra, Alberto Nuñez Feijoo, Georgia Meloniren alderdi ultrari, «Vox europarra» deitu dion Forza Italiari, Europako ateak irekitzeko prest agertu dela. «Italian bezala, ultraeskuinak gobernatzen duen lekuetan, abortuak egiten dituzten klinikak abortuaren kontrako elkarteek inbaditu dituzte, LGTBI eskubideetan atzera egiten ari dira eta Zuzenbide Estatua murrizten ari da», salatu du Mendiak.

Berretsi du ekainaren 9ko hauteskundeetan jokoan daudela osasuna eta hezkuntza publikoaren etorkizuna, baita gutxieneko errenta bezalako auziak ere. «Gehiengo desberdin batek pikutara bidal dezake orain arte lortutako guztia», esan du.