Erresuma Batuko Gobernu laborista berriak ostegunean iragarri zuenez, lege proiektu bat aurkeztu du tren operadoreak pixkanaka birnazionalizatzeko. Izan ere, gaur egun, konpainia gehienak pribatuak dira eta.
«Urteetako emaitza txar eta onartezinen ostean, lege proiektua aldaketa historikoa da, Gobernuari bidaiarien garraio-zerbitzuak jabetza publikora itzultzea errazten diona», iragarri du Gobernuak ohar batean.
Alderdi laboristak irabazi zituen uztailaren 4ko hauteskunde legegileak Erresuma Batuan, hamalau urtez gobernu kontserbadoreak izan ostean.
Lege proiektu honek operadoreak domeinu publikora eramatea proposatzen du, enpresa pribatuen kontratuak amaitzean, edo kudeaketa txarra eginez gero, eta ‘Great British Railways’ izeneko erakunde batean biltzea.
Martxan dauden kontratuak 2027ra artekoak direnez, egungo operadoreei konpentsazioak ez ordaintzea posible izango da, Gobernuaren arabera.
1995etik
1990eko hamarkadaren erdialdean egin zen tren operadoreen pribatizazioa, John Major lehen ministro kontserbadorearen agindupean, baina trenbide sarea publikoa izaten jarraitzen du, Network Rail elkarteak kudeatzen duena.
Hamalau operadoretik lau kontrol publikora itzuli dira azken urteetan emaitza txarrengatik, baina sektore pribatura itzuli baino lehen behin-behineak kudeatzea zen asmoa orain arte.
«La ministra Robles me dijo que pasemos página, que nos olvidemos del ‘caso Almería’»
Fallece Antxon Lafont, empresario soberanista, mecenas y «peatón» en GARA
Donostia colocará una placa por Mikel Zabalza a las puertas del cuartel de Intxaurrondo
El Monumento a los Caídos de Iruñea abre sus puertas por un día
