Aitor Esnaola Dorronsoro baldintzapeko askatasunean geratu da ostegun honetan, Etxerat Elkarteak jakinarazi duenaren arabera. 13 urte zeramatzan preso. 2023ko apirilean hirugarren graduan sailkatu zuten eta 2023ko uztailetik aurrera baliabide telematikoen bidez bete du zigorra.
2022ko maiatzean hirugarren gradua jaso zuen, baina fiskaltzaren helegite baten ondoren, urte bereko azaroan bigarren gradura aldatu eta Martuteneko espetxean sartu zuten berriz. Hori salatzeko, manifestazioa egin zuten Legorretan, Sarek deituta.
Herritarren babesa ez ezik, Udalak elkartasuna adierazi zuen eta EH Bilduk eta EAJk adierazpena onartu zuten eta bertan Esnaola hirugarren gradua jaso zuenetik normaltasun osoz, eskumuturreko telematikoarekin, herrian ibili zela nabarmendu zuten, «legeak dioen bezala, birgizarteratze prozesuan, legearen baldintza guztiak beteta eta legedia arrunta aplikatuz. Inongo arazorik gabe, ez bere egunerokoan, ez Legorretako herriarenean».
2019an, gaixorik zegoen aitari bisita egiteko itzuli zen Esnaola Legorretara. Espetxera itzultzeko familiako baserria utzi bezain laster, polizia-segizioak errepidean zegoen artalde batekin topo egin zuen. Esnaolaren ardiak ziren.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Suspenden el Maratón de Donostia por las fuertes rachas de viento
