Euskal Herriaren luze zabalean 3.015 lagun elkartu dira urriko azken ostiral honetan, 64 elkarretaratzeetan, Sarek eta Etxeratek deituta.
40 lagun elkartu gara #GernikaLumo #AzkenOstirala
— Sare Gernika-Lumo (@SareGernika) October 25, 2024
Denak etxera! @sare_herritarra @EtxeratElkartea pic.twitter.com/JfZVUABBpw
Testinguru berezian egin dute oraingoa. Izan ere, «7/2014 legearen erreformarekin zigorren luzaketarekin amaitzea lortuko dugu, hainbat eta hainbat euskal presok Frantzian zein beste herrialderen batean beteriko zigorrak kontuan hartuko baitira espainiar Estatuan betetzen ari diren zigorraren baturan, orain arte ez bezala», eta honek «arnas pixkat ematen digu». Hamarkada osoa eman dute hori salbuespen legedia zela salatuz.
«Pausu handia da noski, hainbeste urteren ondoren arnas pixka bat ematen diguna. Handia da lege honen erreformarekin askatuko dugun korapiloa. Korapiloetako bat asakatzea lortu bada ere, argi dugu oraindik korapilo handiak ditugula askatzeko.
Salbuespenezko Entzutegi Nazionala da oraindik ere euskal preso, iheslari eta deportatuen auzien ardura duena, eta 7/2003 legeak indarrean jarraitzen du», oroitarazi dute. Euskal presoei 40 urteko espetxealdia ezartzen die Aznar Gobernuaren garaiko arau honek.
«Oraindik lana dugula argi izanda, datozen hilabeteetan, euskal preso, iheslari eta deportatuen etxeratzearekin batera gatazkaren konponbideari ateak irekitzeko garaia dela aldarrikatzen jarraituko dugu», aurreratu dute, Gabonen bueltan Bilbon egitekoa den ‘Behin betiko bakea, konponbidea eta elkarbizitza’ mobilizazioari aipamena eginez.
DONOSTIATIK PRESOAK #etxera
— Sare Donostia (@SareDonostia) October 25, 2024
Bihar:
10tan konferentzia kursaalean
13:30 manifestazioa txillardegi plazan. Marixol behin betiko etxera‼️ pic.twitter.com/C3ZaSBWwIl
Gaur larunbatean Sarek burutuko duen jardunaldiari ere erreparatu diote. Zenbait aditu elkartuko ditu Kursaal Jauregian bakeaz, konponbideaz eta elkarbizitzaz mintzatzeko: Martina Anderson irlandarra, Jon Mirena Landa, Laura Pego, Jaime Tapia... Streaming bidez jarraitzeko aukera izango dela aipatu dute, horretarako animatuz: 10etatik aurrera izango da emanaldia.
Informe oficial: así se ha violado en comisarías y cuarteles
Luis Cañas, la esencia de Rioja Alavesa en las tiendas de EROSKI
Ultras del Maccabi, golpeados en Amsterdam tras provocar gritando «muerte a los árabes»
«Nazioarteko turismoa landu ordez, hurbilekoa lantzea tokatzen zaigu»
