Errastiko Eskola, Legazpiko Udala, Josebe Lizeaga eta Manuel Odria, Landaola Sarien irabazleak
Landaola Sariak banatu dituzte Zumarragan. Erakunde pribatuen atalean, Errastiko Eskola izan da irabazlea, eta publikoen artean, Legazpiko Udala, Arrobi egitasmoagatik. Trebatu elkarteak aipamen berezia jaso du; Josebe Lizeagak, landako emakumeen saria; eta Manuel Odriak, urteetako ibilbidearena.
Landaola Sarien zortzigarren edizioak baditu garaileak. Errastiko Eskola gailendu da erakunde pribatuen artean, Naiara Uriarte eta Xabi Abasoloren proiektu pedagogikoa, Arrasateko Bedoña auzoan kokatua. Erakunde publikoen arloan, berriz, Legazpiko Udalak eraman du saria, Arrobi egitasmoagatik. Erabilera tradizionalak ondare naturalaren kontserbazioarekin uztartzen ditu honek.
Aurten, lehen aldiz, aipamen berezi bat egin du Gipuzkoako Landaola Federazioak, eta Trebatu elkartea izan du gogoan.
Landa eremuko emakumeen saria Josebe Lizeagarentzat izan da; urteetako ibilbidearena, aldiz, Manuel Odriarentzat.
Irabazle guztien familia argazkiarekin eman diote amaiera ostiral honetan, Zumarragako Azokan, egin duten ekitaldiari. Zorionak guztiei!
Landa eremu eta lehen sektore bizi baten alde lan egiten du federazioak, eta landa garapen proiektuak aitortu eta bultzatzeko asmoz antolatu ditu sariak zortzigarrenez.
Legazpiko Arrobi proiektua
Hainbat eragilerekin elkarlanean, Arrobi onura publikoko mendiko lur sailak berreskuratzeko proiektua jarri du martxan Legazpiko Udalak. Helburu nagusia da Arrobiko habitatak babestea eta abeltzaintza tradizionalarekin uztartzea, naturaren eta landa-jardueren arteko oreka bilatuz. Horretarako, ameztien azalera handitzea, larren eta basoen osasuna hobetzea, espezie mehatxatuak babestea eta zohikaztegiak berreskuratzea dira lan ildo nagusiak.
Ganadu karga egokituz, larreak modu jasangarrian erabiltzearen alde egiten du.
Ekimenak adostasuna eta elkarlana ditu oinarri, abeltzaintza eta ingurumenaren zaintza batuz. Horrez gain, proiektuak eredu izan nahi du, etorkizunean beste babesgune batzuetan ere aplikatzeko.
Gainerako hautagaiak
Erakunde pribatuen atalean, sei hautagai zeuden: Henase, Hernaniko Nekazari eta Abeltzainen Sustapenerako Elkartea; Goxart Obradorea, Leire Egaña eta Aitor Ruizena; Erro Gaztaren ibilbidea; Argaia Goena; Amalda Biobotanika, Aiora Urbietarena; eta irabazlea izan den Errastiko Eskola.
Erakunde publikoen artean ere sei ziren hautagaiak, sei udal: Oiartzun, Oñati, Eibar, Berastegi, Azkoitia eta garaile izan dena, Legazpiko Udala.
Juan Luis Agirre Letek askatasuna berreskuratu du, 28 urte preso izan eta gero
Graban el tremendo impacto de un rayo en las antenas de Zikuñaga de Hernani antes del amanecer
Maite Nosti, parlamentaria de Vox, deja el partido y provoca la disolución de la Agrupación
La dirección del Colegio Público de Gares comunica a las familias que abandona el PAI
