Iker Olabarrieta Colorado bilbotarra aske geratu da asteazken honetan, zigor osoa bete ostean, Etxeratek ohar baten bidez jakinarazi duenez. 20 urte eman ditu Olabarrietak espetxe ezberdinetan, 2005eko martxoan atxilotua izan zenetik.
2023ko abenduan hirugarren gradua onartu zioten preso bilbotarrari eta duela urtebetetik baldintzapeko askatasunean zegoen, Auzitegi Nazionalaren mendeko Espetxe Zaintzako Epaile Zentralaren auto baten bidez emana. Martxoaren 19 honetan, erabateko askatasuna berreskuratu du Olabarrietak.
Lehenago, 2022an aberriratu zuten Logroñoko espetxetik. Baina, horren aurretik, 2021eko maiatzera arte, etxetik ia 1.000 kilometrora egon zen preso, Sevillan, oso gatibu baldintza gogorretan.
Olabarrieta Donostiako Antigua auzoko etxebizitza batean atxilotu zuen espainiar Poliziak, 2005eko martxoan, Karmelo Lauzirika eta Igor González Solarekin batera, ETAren «Donosti komandoko» kide izatea egotzita. Azken hori 2020ko irailean hil zen Martuteneko espetxean.
Iker Olabarrietak 47 urte ditu; 27 urterekin sartu zen kartzelan. 20 urteren ostean, askatasuna berreskuratu du bilbotarrak.
La autopsia confirma el crimen machista en Barakaldo; detenido un hombre de 27 años
‘Gutun bat Kottori’: «Gazteoi dagokigu gai hau bertze modu batera lantzea»
EH Bildu ganaría en la CAV y subiría en Nafarroa, según un sondeo de Aztiker
Una monja de Urduña sigue hospitalizada y prohíben a las de Belorado contactar con ellas
