Gaur ikusiko da zein dagoen Itzulia lehiatzeko eta zein ez
Atzoko etapa «lasaia» izan bazen, gaurkoak «bakoitza bere lekuan jarriko du». Hala dio Unai Iribar txirrindulariak NAIZen Itzulian zehar argitaratzen ari den egunerokoan. Gainera, etxeko errepideetan ibiliko da asteazken honetan. «Ea ondo ateratzen zaidan».
Atzoko etapa «lasaia» izan bazen, gaurkoak «bakoitza bere lekuan jarriko du», Unai Iribar txirrindulariaren egunerokoa.
Etapa nahiko lasaia izan zen. Guk, gure aldetik Diego sartu genuen eguneko ihesaldian, mendiko mailot horren borrokan eta helburu hori bete genuen, podiumean presentzia hori edukiz eta gaurko egunean mendiko mailot hori eramateko etapan zehar.
Atzean Ineosek kontrolatu zuen, Caleb Ewanen esprinteko interesen alde eta berak ere bikain erantzun zien taldekideen lanari. Alderdi txar bakarra hiru kilometroren faltan izan zen eroriko handi hori, generaleko jendea ere harrapatu zuena. Baina beno, azkenean, denei denbora bera eman zitzaien hiru kilometroko lege hori dela-eta.
Gaurko eguna desbedina izango da. Gaintzako eta Lazkaomendiko azken igoera horiek bakoitza bere lekuan jarriko du eta gaur ikusiko da zein dagoen Itzulia lehiatzeko eta zein ez. Nire aldetik, etxeko etapa izango da, beti entrenatzen dudan errepideetatik pasako gara eta, egia esan, ilusio handia egiten didan etapa bat da. Ea ondo ateratzen zaidan eta lan txukun bat egiten dudan.
Si el futuro es China, ¿qué hacer hoy?
Un fallecido y una herida grave, vecinos de Zornotza, en un accidente en Aragón
El papa Francisco recomendó el libro ‘Miñan’ de Amets Arzallus e Ibrahima Balde
Los aranceles de Trump amenazan con dejar a EEUU sin navidades
