Gaizka Sarasola, Mattin Sarasolaren anaia elkarrizketatu dute Info7 Irratiko Kalegorrian saioan, eta aitortu egin du etxean ez zutela esperantza handiegirik Europako Giza Eskubideen Auzitegiarekiko. Azkenean, Estatu espainiarra zigortu egin dute tratu txarrak izan zirela ebatzita. Sarasolarentzat pausu bat da, espero du zerbaitetarako balioko duela, baina argi esan du: «Ez dugu tribunal baten aitortza ebazpenik behar jakiteko zer bizitu zuten».