Amu bat azaltzen da aurtengo Euskal Zine Bileraren (EZB) kartelean, eta Lekeitioko zinemaldiaren helburua irudikatzeko irudi ezin hobea da, euskarazko pelikula, zuzendari, aktore eta ikusleak harrapatu nahi baititu, Joseba Zuberogoitiak NAIZi adierazi dionez. Itziar Ituño aktoreak, berriz, EZB ezagutzea berarentzat zein sorpresa atsegina izan zen kontatu digu, irekiera ekitaldia hasi baino lehenxeago. Aste osoan izango da Lekeitio euskarazko zinemaren erreferentzia.