![21.500 lagun elkartu dira Anoetan partida ikusteko. (@Ane_Urki)](/media/asset_publics/resources/000/497/590/article_main_landscape/reala_athletic.jpg)
21.500 lagun elkartu dira Anoetan bertan jokatutako Reala eta Athleticen arteko lehen derbia ikusi asmoz. Batez ere, Reala zen gaur hiru puntuen beharra zuena, izan ere, poltsikoan zuen jada Athleticek Kopan jokatzeko sailkapen txartela.
Gauzak, baina, ez dira donostiarrek nahi bezain ongi joan, eta hasieratik gainera. 5. minutuan bertan izan dute lehen aukera bisitariek, argia gainera, atzelari txuri-urdin batek atepetik atera behar izan baitu baloia.
Hala, 23. minutuan iritsi da gola. Erika Vazquezek erdiraketa egin eta Sandra Ramajo izan da bere atean gola egin duena. Athleticek erasoan jarraitu du eta 32.ean egin dute bigarrena, Erika Vazquezen bidez. Atsedenaldira iritsi aurretik, 38.ean, zutoinera jaurti du Eunate Arraizak.
Atsedenalditik itzuli bezain pronto egin dute bisitariek hirugarren gola. Nekane Diez izan da golegilea eta erabat bideratua utzi du neurketa zuri-gorrien mesederako. Laugarrena, berriz, Lucia Garciak egin du 57.ean.
Neurketa erabat galdua zuenean hasi da Reala bere irudia hobetzen. Gola ere egin dute donostiarrek 59. minutuan, eta ondoren aukerak sortu badituzte ere ez da markagailua gehiago mugitu.
Galdu izanagatik ere, Kopan jokatzeko txartela eskuratu du Realak denboraldia zazpigarren amaituta; Athleticek, berriz, hirugarren amaitu du.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)