![Armiñongo ordainlekua. (Juanan RUIZ/FOKU)](/media/asset_publics/resources/000/508/355/article_main_landscape/armin_on.jpg)
Jose Luis Abalos Sustapen ministro espainiarrak iragarri du kontzesioa bukatzear daukaten autobideetan bidesariak kenduko diztuztela.
‘El Pais’ egunkarian egin duen iragarpen horrek euskal errepideetan ere eragina izango du, azaroaren 30ean bukatzen baita Armiñon eta Burgos arteko AP-1aren kontzesioa (84 kilometro dira guztira).
Autoek 12 euro ordaintzen dituzte egun, eta kamioiek 24,75.
Armiñongo ordainlekuen inguruan auto pilaketa luzeak sortu ohi dira opor garaien, ibilgailuen joan-etorria handia denean.
Iaz onartutako mozio batean, Arabako Batzar Nagusietan ordezkaritza daukaten alderdi guztiek aho batez eskatu zioten Gobernu espainiarrari kontzesioaren amaieran ez zezala berritu, autobidea «publikoa eta doakoa» izan dadin.
Aipatutako autobide honez gain, beste biri eragiten die Abalosen iragarpenak –2018 eta 2019 urteen arten bukatzen dira kontzesioak–: Alacant eta Tarragona arteko AP-7ari eta Sevilla eta Cadiz arteko AP-4ari. Guztira 468 errepide kilometro bihurtuko dira doako.
Era berean, porrot egin ostean Estatuak erreskatatu dituen bederatzi autobideak lehiaketara ateratzeko aukera aztertzen ari direla azaldu du Abalosek.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Piratak2](/media/asset_publics/resources/001/145/816/article_thumb_horizontal/piratak2.jpg)
1.500 piratek abordatu dute Donostia
![0811_eh_pavel](/media/asset_publics/resources/001/145/092/article_thumb_horizontal/0811_eh_pavel.jpg)
Polonia mantiene abierta la investigación contra Pablo González y podría juzgarlo en rebeldía
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)