Manuel Diaz de Rabago epaile ohiak, igande honetan ezagutzera emandako bideo batean, EH Bilduren aldeko botoa eskatu du. Eta honek hautsak harrotu ditu. Bideoan, ETAren mehatxupean egon zela eta hamar urtez bizkartzaina eraman zuela gogorarazi du, eta «eskuinak eta ultraeskuinak» koalizioaren zerrendetan preso ohiak egoteagatik hauteskunde kanpainari «eman dioten instrumentalizazioa» arbuiatzeko eskatu du.

«Hamar urte baino gehiagoz, epaile naizen aldetik, eskolta izan dut, eta gainera nire datuak zituzten ETAko komandoetako bik. Horrek ez dit eragozten niri, gaur egun, jarduera terrorista desagertu eta ETA desegin ondoren, EH Bilduri babesa eta botoa ematea. Iruditzen zait oso proiektu beharrezkoa dela ezkerrarentzat, bai Euskal Herrian, bai Estatu espainiarrean. Ni espainiarra sentitzen naiz, ez euskalduna, nahiz eta 50 urte daramatzan hemen bizitzen. Hori da nire sentimendu nazionala. Ezkerrekoa naiz guztiaren gainetik, eta ezkerreko alderdiei eman diet botoa beti. Ez beti berdinari. Eta orain ere gertatuko da. Bilduri emango diot botoa. Ezkerraren barruan gehiengoa duen alderdia da, bai nire Udalean (Donostian), bai Gipuzkoan», adierazi du.

Hedabideek albistea ‘ETAk mehatxatutako epaile-ohi batek EH Bilduren aldeko botoa eskatu du’ edo ‘EH Bilduren zuriketa’ bezalako titularrekin zabaldu dute. Eta sareak mezu ugariz bete dira. Aldeko zein kontrako mezuak. «Estokolmo sindromea» izatea leporatu diote askok.

¿Síndrome de Estocolmo o pérdida de papeles?

Bildu se blanquea en Vitoria, donde roza la victoria, con el vídeo de un ex juez amenazado por ETA https://t.co/kIVlCJRuK0

— Koldo.Luis (@koldo_luis) May 21, 2023

Beste askok, baina, txalotu egin dute. «Ausarta, argigarria eta koherentea», defendatu du batek. «Jarrera ausarta, eskuina eta biktimen mina politika egiteko erabiltzea erretratatzen duena», beste batek.

Muy valiente,ilustrativo y coherente con:
Querer políticas socioeconómicas de izquierdas,que son las que mejoran la vida de la ciudadanía.
Bildu trabaja por esas políticas.
Díaz de Rábago,a pesar de sufrir lo que ha vivido,no ser independentista,vota a Bildu por sus políticas. https://t.co/YZc7HWMzTF

— Ana Rodriguez (@AnaRodr49951615) May 21, 2023

Díaz de Rábago, un exjuez del Tribunal Superior de Justicia del País Vasco que fue amenazado por ETA, pide el voto para Ortegi (EH Bildu).

Posicionamiento valiente que retrata a la derecha y su utilización del dolor de las víctimas para hacer política.https://t.co/SIgJvTxu4a

— Eleméntal (@ElementalELM) May 21, 2023

Hala ere, ez da posizionatzen den lehen aldia. Bideoaz gain, atzo NAIZen argitaratutako gutun batean «Donostiak aldaketa bat behar duela» adierazi zuen, beste 60 bat sinatzailerekin batera. Era berean, 2020an, Gemma Zabaletarekin (PSEko Lakuako Gobernuko sailburu ohia), Javier Madrazorekin (sailburu ohia eta IU-EBko buru ohia) eta Daniel Arranzekin (Bizkaiko gobernadore zibil ohia) batera, ‘La izquierda con la que construir una nueva Euskal Herria’ gutuna argitaratu zuen. Gutun horretan, bat egiten dute «alternatibarako bokazioa duen, loturarik gabeko eta etorkizunera begiratuko duen indar batasunaren alde» egiteko, «EH Bilduren inguruan bilduta, hori egiteko moduan dagoen espazio eta alderdi politiko bakarra» delako.

Horrek, baina, ez zuen kanpaina betean botoa eskatzeak izan duen oihartzuna izan. Eta, bide batez, EH Bilduren zerrenden inguruko eztabaida gaindituta, koalizio soberanista berriz ere, Estatu mailan, kanpainaren erdian jartzea ahalbidetu du.