Realak Bultzada taldearen hausporik gabe jokatuko du ostiral honetan Vila-realen kontrako norgehiagoka. Sare sozialetan zabaldutako mezuan jakinarazi dutenez, ez da animaziorik egongo eta harmaila itxita mantenduko da.
Erabaki horrekin Benficaren kontra gertatu ziren istiluen ondorioz jasandako errepresioa eta atxiloketak salatu nahi dituzte. Ertzaintzak lau lagun atxilotu zituen egun hartan, baina ordu batzuk beranduago aske utzi zituzten. Gaur bi pertsona gehiago atxilotuak izan direla eta beste 13 auzipetu daudela jakin da.
Argitaratu duten oharrean joan den azaroaren 8an Ertzaintzak izandako jokabidea eta «erantzunkizuna» gaitzesten dute. Izan ere, inguruetan polizia ugari egon arren, Benfica taldearen zaleak Armerias plazara iritsi ziren eta Realekoen aurka egin zuten.
Bultzada taldeak dioenez, bertan zeuden zale txuri-urdin batzuek euren burua eta gainontzekoena «defendatu» behar izan zuten, eta orain jazartuak eta zigortuak izaten ari dira horrengatik.
Alavesen zaleak diren Iraultza taldeak eta Athleticen Iñigo Cabacas Herri Harmailak elkartasuna adierazi diote Bultzada taldeari sare sozialetan.
ERANTZUKIZUNA NORENA?
— Bultzada TxuriUrdina (@BultzadaTX) February 22, 2024
Taldeak azken orduetan jasandako errepresioa dela eta, bihar Bultzadak ez du zelaian animatuko eta harmaila itxita mantenduko du.
ADI egon eta elkartasuna antolatu!
Atxilotuak eta jazartuak ASKATU!
ERREPRESIORIK EZ! EZ GAITUZUE GELDITUKO! pic.twitter.com/o70N35vE9P
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Casi cuatro toneladas de Miura y dos tremendas embestidas en Mercaderes y la curva
Casi todos los incidentes imaginables se suceden en un encierro de la villavesa lento e irreal
