Gaurko eguraldia

ONGI SAMAR PORTATUKO DA EGURALDIA

Onalditxo polit goxoa ekarriko du egunak eta elementuak modu onean izango dira. Iluntzean, ordea, haizea iparretik jarriko da, laino baxu narrasak barreiatuko ditu eta euri zipriztinak ere botako ditu. Erasotxo horrek kostaldea gaztigatuko du; barnealdeetan, aldiz, eguraldiak tankera hobeari eutsiko dio eta gutxiago mikaztuko da giroa. Garaiari dagokiona dezente zapuztuko da iparraldean, baina hegoaldean ongi portatuko da.

Bihar

Tankera berdintsua mantenduko du gaur ere eguraldiak, eta akats txiki batzuk gorabehera, ontzat hartzeko moduan portatuko da. Garaiari dagokion maila lortu ezinik oraindik ere, baina astean zehar uda giro bikaineko egunak izango ditugu. Egunotan euri zipriztinak barreiatuko dituen arren, dotorezia eta goxotasuna irabazian, eta beraz, ontzat hartzeko moduko eguna izango dugu.